Fundashon AMIKESA ta kere firmemente den "un mucha ku ta bon informa por tuma desishon majan abase di konosementu i no abase di preshon di otro hende".

 

Muchanan ku ta miembro di AMIKESA Kids Club ta wordu eduka riba tur tereno ku ta judanan pa tuma desishonan korekto pa den futuro.

Tambe nan ta hanja e oportunidat pa motiva i juda otro mucha ku ta di nan mes grupo di edat pa nan por ta mas asertivo i ku nan por komunika mas miho ku nan majornan. 

 

AMIKESA kids club tin 4 kategoria di mucha

Grupo A: 7-9 anja

Grupo MI: 10-13 anja

Grupo KE: 14-16 anja

Grupo SA: 16-18 anja

 

Kada un di e grupo nan ta hanja informashon relevante pa nan edat.

Nos lidernan ta wordu di screen i tambe ta hanja edukashon konstante pa keda altanto di tur desarojo nobo riba e tereno di seksualidat i genero.

 

Nos ta hasi diferente aktividat ku e mucha nan manera, 

• Sinja banja bebi i kambia pampers

• Kuida un hende grandi

• Juda majornan den kas

• Kon pa juda den kaso di emergensia

• Sinja kon presenta den grupo

• Rekonose abusu

• Prevenshon

• I hopi programa mas....

Tambe komo Miembro di AMIKESA Kids Club nan lo tei presente na nos evenemento nan publiko pa juda den parti flyers, giua e publiko, sinja ta servisial etc..

 

Inskripshon pa kada mucha ta Naf 25.00. Esei ta kubri gastu di T-shirt, badge etc. 

Miembresia pa luna ta  Naf 10.00 pa mucha. Ku ta kubri gastu nan pa training i konsumo. 

 

AMIKESA KIDS CLUB ta buska muchanan di diferente edat pa aserka otro muchanan di nan grupo di edat pa duna informashon. Luga  ta limita.

 

Bo ke ta Miembro di AMIKESA Kids Club? Jena e formulario di aki.